|
14. umfar avlýst
Av tí at dysturin millum KÍ og B71, sum eftir ætlan skuldi verði spældur týsdagin 26. juli, er fluttur til leygardagin 6. august,
er avgjørt, at umfar 14 í Vodafonedeildini ikki er við í Dreymaliðnum.
Næsta umfar í Dreymaliðnum er sostatt 15. umfar, sum eftir ætlan verður spælt 1. og 2. august.
Soleiðis, nú hevur tú aftur møguleikan at gera títt egna Dreymalið, og vera við í kappingini um eitt gávukort frá LM-handilinum í Havn ella á Kambsdali á 10.000 krónur
Sætta árið á rað skipar Dimmalætting fyri Dreymaliðnum á dimma.fo, og vónandi verður undirtøkan eins stór í ár, sum hon hevur verið seinastu árini, tá fleiri enn 1.000 lið hava verið tilmeldaði kappingina.
Dreymaliðið er eitt ÓKEYPIS fótbóltsspæl, sum tekur støði
í Vodafonedeildini. Tú keypir tínar yndisleikarar og mannar títt egna lið, sum
tú skalt stýra gjøgnum kappingina. Við atliti til hvar teir spæla, hvørjum teir
spæla við og hvussu nógvar pengar tú eigur, er tað tín uppgáva at fáa sum mest
burtur úr teimum 11 leikarunum, sum tú velur.
Leikararnir fáa stig, alt eftir
hvussu teir standa seg í veruleikanum, og tú kappast við onnur Dreymalið. Ger
tína egnu minikapping og kappast við tínar vinir og fíggindar bæði í tykkara
egnu kapping og í tí stóru kappingini - alt ÓKEYPIS.
Fyri at gera spælið stuttligt allatíðina, sjálvt fyri tey ið hava fingið eina ringa byrjan ella eru byrjaði seint, letur Vodafone eina feita fartelefon triðja hvørt umfar, til tað Dreymaliðið sum hevur staðið seg best trý tey seinastu umførini. T.v.s. at Dreymaliðini ið hava staðið seg best frá umfarið 1-3, 4-6, 7-9, 10-12, 13-15, 16-18, 19-21, 22-24 og 25-27 vinna eina fartelefon frá Vodafone.
LM-handilinum er aftur ár høvuðsstuðul til kappingini, og lata teir eisini stórar vinningar til teir "venjararnar" ið hava staðið seg best tá kappingin er av í oktober.
Nummar 1 vinnur eitt gávukort á 10.000 krónur, meðan nummar 2 og 3 vinna eitt gávukort á ávikavist 5.000 krónur og 3.000 krónur.
Melda til beint nú, og ver partur av tí
einasta føroyska veruleika venjaraspælinum!
Hvørt lið skal vera mannað við 11 leikarum, málmanni, fýra verjuleikarum, fýra miðvallarum og tveimum framherjum. Tó kann eitt lið í mesta lagi hava trýggjar leikarar frá sama liði.
Dýrastu leikararnir kosta 100.000 krónur, meðan teir bíligastu kosta 10.000 krónur. Tilsamans hevur "venjarin" 650.000 krónur at keypa teir 11 leikararnar fyri.
Góðan dyst og gott kappingarár!
Um tú hevur trupuleikar við spælinum eftir at tú hevur
loggað inn, er hetta tí at kagarin hjá tær loyvir ikki cookies. Fyri at loyva
cookies, skal tú fara undir Internetindstillinger/Beskyttelse af personlige
oplysninger, og trýsta á Avanceret. Her skal tú tryggja tær at flugubein er í
teiginum Tilsidesæt automatisk behandling af cookies, og at teigarnir Cookies
fra oprindeligt websted og Trediepartscookies eru merktir Spørg.
Tá tú hevur gjørt hetta skal tú stongja allar opnar
kagarar, og fara inn av nýggjum.
|