1. Þátttakendur velja leikmenn úr leikmannahóp ensku úrvaldsdeildarinnar í lið sitt. Hvert lið samanstendur af 11 leikmönnum:

1 Markmanni  - 4 Varnarmönnum - 4 Miðjumönnum - 2 Sóknarmönnum

Heildarverðmæti liðs má ekki fara yfir 65.000.000 skv. verðskrá Draumadeildarinnar. Aðeins er heimilt að hafa 3 leikmenn frá hverju félagsliði í liði sínu.

2. Lið fá stig eftir frammistöðu leikmanna sinna í leikjum í úrvaldsdeildinni.: 

Leikmaður sem spilar minna en 20 mínútur (leikmaður sem kemur inn eftir 70 mínútu telst spila minna en 20 mínútur) fær aðeins stig fyrir mörk og spjöld (ekki fyrir að halda hreinu, fengin mörk eða sigur/jafntefli). Leikmaður sem spilar meira en 20 mínútur fær stig fyrir allan leikinn óháð því hvenær hann kemur inn á. Leikmenn fá stig skv. þeirri stöðu sem Draumadeildin flokkar þá í óháð hvaða stöðu þeir kunna að spila í einstökum leikjum. Leikmaður sem ekki spilar fær engin stig þá umferðina nema um markmann sé að ræða. Markmaður fær sömu stig og varamaður hans.

3. Leikurinn stendur í 38 umferðir skilgreindar af draumadeildinni. Sé leik frestað og ekki leikinn áður en viðkomandi umferð lýkur fá leikmenn þeirra liða engin stig í þeirri umferð.

4. Þátttakendur geta keypt og selt leikmenn á milli umferða ótakmarkað en leikmannamörkuðum er lokað þegar fyrsti leikur umferðar hefst.

5. Komi sannanlega fram villur í útreikningum eða innslætti stiga verða þær leiðréttar. Leiðréttingar hafa ekki áhrif á þau úrslit sem Draumadeildin hefur þegar gert opinber.

6. Verði tvö lið jöfn í verðlaunasæti í lok leiks er það lið valið sem fengið hefur flest stig í einni umferð. Séu lið enn jöfn er næsthæstu umferðir liðanna bornar saman og þannig koll af kolli. Séu lið enn jöfn verður varpað hlutkesti til að skera úr um sigurvegara.
Verði tvö lið jöfn í verðlaunasæti þegar úrslit stakrar umferðar eru skoðuð er það lið valið sem: Hefur hæsta leikmann að stigum úr umferðinni. Ef liðin hafa jafnhá stig á besta leikmann er næstbesti leikmaður þeirra borin saman og þannig koll af kolli. Séu lið enn jöfn verður varpað hlutkesti til að skera úr um sigurvegara.

7. Draumadeildin áskilur sér rétt til að breyta liðsnöfnum sem brjóta í bága við almenna siðferðiskennd. Draumadeildin áskilur sér rétt til að taka lið úr keppninni ef þátttakendur gefa upp rangar upplýsingar.

8. Draumadeildin áskilur sér rétt til að breyta reglum þessum meðan á leiknum stendur. Upplýsingar um breytingar eru sendar til þátttakenda. Ákvarðanir stjórnanda Draumadeildarinnar eru endanlegar.